கிழக்கில் முஸ்லிம்கள் பெரும்பான்மை; நாட்டில் இருபது லட்சம் உத்தியோகபூர்வ தகவல்...

இலங்கையின் 2012 ஆம் ஆண்டுக்கான மக்கள் தொகை கணக்கெடுப்பின் உத்தியோகபூர்வ முடிவின் பிரகாரம், இலங்கையின் கிழக்கு மாகாணத்தில் முஸ்லிம்கள் பெரும்பான்மை என்பது தெரிய வந்துள்ளது. கிழக்கில் முஸ்லிம்கள் (சமயரீதியாக) 37.12 வீதம் என்ற பெரும்பான்மையை கொண்டுள்ளனர்.அதேவேளை

ஹிந்துக்கள் 34.8 என்ற தொகையையும் , பௌத்தர்கள் 22.86 என்ற தொகையையும் கொண்டுள்ளனர் .

எண்ணிக்கையின் அடிப்படையில் முஸ்லிம் 575,936 நபர்களும் ஹிந்துக்கள் 539,570 நபர்களும் பௌத்தர்கள் 354,772 நபர்களும் உள்ளனர் .

கிழக்கு மாகாணத்தின் மூன்று மாவட்டங்களிலும் இரண்டு மாவட்டங்களில் முஸ்லிம்கள் பெரும்பான்மயாக உள்ளனர். அம்பாறையில் 43.6 வீதமும் , திருகோணமலையில் 42.1 வீதமும், மட்டகளப்பில் 25.5 வீதமும் உள்ளனர்.

இலங்கையில் முஸ்லிம்கள் (சமயரீதியாக) 9.7 என்ற வீதத்தில் உள்ளனர். எண்ணிக்கையில் 1,967,227 நபர்கள் .அதாவது அண்ணளவாக இருபது இலட்சம் பேர் உள்ளனர் .

கிழக்கு மாகாணத்துக்கு வெளியே முஸ்லிம்கள் (சமயரீதியாக) விகித அடிப்படையில் அதிகளவு உள்ள மாவட்டமாக வடமேல் மாகாணத்தின் புத்தளம் மாவட்டம் உள்ளது. புத்தளத்தில் 20 வீதமான முஸ்லிம்கள் உள்ளனர். எண்ணிக்கையில் 152,280 நபர்கள் உள்ளனர்.

வடக்கு, கிழக்கு மாகாணத்துக்கு வெளியே விகித அடிப்படையில் இரண்டாவது நிலையில் மத்திய மாகாணத்தில் கண்டி மாவட்டத்தில் 14.3 வீதமான முஸ்லிம்கள் உள்ளனர். ஆனால் எண்ணிக்கையில் 196,347 நபர்கள் உள்ளனர்.

வட மாகாணத்தின் மன்னார் மாவட்டத்தில் 16.55 வீதமான முஸ்லிம்கள் பதிவாகியுள்ளனர். ஆனால் எண்ணிக்கையில் குறைந்த அளவில் உள்ளனர்.